لعبهـ جديدهــ

جديدهـ [ لعبتك ] هذي
رجوعك , ليه أبي أفهم ؟
ترى ما جيت في وقتِك / أنا مُو حاسب حسابك

ا
نسيتك أو تناسيتك .. ( دخيل اللـه ) لا تهتم
وأبشرك .. وجه أحزاني ضحك لي , وإنقفل بابك


وبسيطه جات مِن صالح حياتي .. طعنتك , للعلم
قريتك , وإستفد قلبي مِن المضمون .. بكتابك


تَعلم قلبي مِنْ إيدك على كِل ما مضى يندم
زرعتِك شُوق .. أتحرى حضورك , وأثمر غيابك

تحملتك / ولكنه .. جبرني الجرح : أتكلم
خيانه شِفتها مِنِّك .. عِطِرهَا , تارس ثيابك


بنيتِك حب في قلبي وإنت .. حضرتِك .. تهدم
كرهتك حيل صدقني .. وكِل هذا مِن أسبابك

تقول : آسف ..؟! يا خلف الله
بقى بـ ( وجه ) التسامح / دم ...؟
أسامح كِل شي إلا الخيانه , ونشوة إعجابك


أنا .. يا لِكْ أجي واحد يساوي في عيونك كم
وإلا . . . . ما أجي عندك وأغيِّر , ناتِج أحبابك


تجيني .. والندم واضح ولا أقدر أقولك : سم
لأن الجرح من شافك تضايق قال : وش جابك




إذا تحسبني برجع لِك .. بلاش تفكِّر وتحلم
لأني مُو مثل أوَّل . . . أحقق , رغبة أهدابك


قديمه لعبتك هذي .. وكفايه .. ما أبي أفهم

[ رجاءاً ]

إبتعِد عنَّي أنا مُو ناقص ألعابك




الشاعر/ احمد الصانع


اعجبتني وحبيت تشآركوني~

لبى قليبك الذووووووووووووووووووووووووووق منك وفيك

ذووووووووووووووووووووووووووووووووووق وطول عمرك راسك فووووووووووووووووووووووووووووووق بس انشاء الله تكوني انتي كاتبتها